MPGSU FAREWELL MATCH CUM. PHILIPA BUAL TUR ZAWK ZAWNNA FROOTY FOOTBALL FRIENDLY MATCH, 2012: Match Report

Philip Bauh, chak lo team bual fai tur

Nelson-a Team te leh JLo-a Team te chuan vawiin tlai dar 4:30 khân University of Hyderabad football field-ah kum danga Zopate'n an lo tih ṭhin angin farewell match an khel a, Outgoing leh Junior FANS lam pawh an rawn thawk chhuak ṭha thawkhat hle a, ui bual tur, Philipa pawhin a rawn chhim ve bawk. Match hi 'each half' 30 mins khelh a ni.Tin, MPGSU ṭhenawm, Dennis-a leh Muana pawh inkhel tûrin an rawn kal ve thei a, min ti phuisui hle a ni.

Nelson-a Team hi Outgoing Students leh Senior Students inthlan pawlh an ni a, JLo-a Team erawh Junior ho an ni thung. Captain-te hming chawia team hming hi phuah a ni awm e. He match-ah hian Zopa defender, Ruben-a, nikum 'MPGSU Day Out at Osman Sagar'-a vanduaithlâk taka accident, Night Cup 2012 pawh khel thei lo hial chu a defending boots nen field a rawn rap leh ta.

Kickoff & 1st Goal: Dar 5:00 velah match ṭan a ni a, Nelson-a team te'n an kickoff. FANS te chu rawn au êm êm lo mahse boruak a hot tih chu hai rual a ni lo (summer ni miau hek...) Hun rei a rial hmain Nelson-a Team in goal hmahruai an thun! JLo-a Team goalkeeper, Muanpuia ball rawn vawm chhuah chu duh aiin a tawi chu niin, Nundika'n box pawnah lo dawngin top left-ah goal ban si feihin a pet lût! Senior-te an phur ta sarh sarh khawp mai. Captain Nelson-a pawh lungawi takin Francis-a a in subbed tir nghal a.

Equalizer: JLo-a Team-te'n tih goal ve ngei tumin an bei lêt a. Nelson-a defender, Rubena te, Biaka te leh Francis-a te chuan goal tîr loh tumin an dang chat hmiah hmiah ve thung a. Mahse chutia innawr innawr tâkah chuan Joel-a'n right wing lama ball a tlân luh pui chu a laia free taka lo châng, James-a chuan Zopa 1st keeper, Andy-a meuh saved theih loh tûrin a pêt goal ve a. Score now is 1-1. Innawr innawr hi chuan a tawpa tawpah kan tlu leh nge nge zel chu a nih dawn hi maw!!!

2-1 a ni ta: First half tawp dawnah goal a lût leh ta tlat mai. Nelson-a defender ṭha, Biaka'n attack lam a rawn pui chu lehlam counter attack nan hun ṭha tak a ni! William-a'n ball a win a, Kunga pass-in ani'n wing-ah bawk ball a la a, Joel-a chu pass-in JLo-a Team 2nd goal leh leading goal Joel-a'n a thun ta a ni.

Half Time: Referee, Râl Nelsona an tih mai ṭhin, Imna chuan a whistle hâmin match a'n titawp a. Half-time ah tui inin an han hahchawl a, Muanpuia te, Sanglura te, Dennis-a te phei chu hahdam bîk tak an ni!

Second Half: Nelson-a Team te'n si khat an phur tih inhriain goal thun ve leh an tum hle mai. Chutih rualin JLo-a defence line a solid hle. Rfa, Ruatkima leh JLo-a'n Nelson-a attacker-te chu an mark taima hle a, hei hian rah ṭha pawh a tawp thlengin a chhuah a tih theih ang.

Another Equalizer: Equalizer anih chuan Nelson-a Team lam thun a ni tih a chiang ta reng mai. Leon-a'n midfield aṭangin ball a rawn pe kang a, Nundika'n ground-ah ball a control a, captain Nelson-a lawmna tûrah a chantîr leh ta! Second Half-a start, Captain pawh chu phur fain field aṭangin a in subbed out leha, a zuangin a zuang chhuak a ni ber mai, chuan Bza chu a baseball cap nên a rawn lût thung a ni. Lehlam goalkeeper Muanpuia pawh a position dik tak defence-ah a rawn chhuak a, captain JLo-a a keeper ta thung!

Winning goal: Tute takin winning goal thun ang maw!!! Tunge thun? James-a bawk a ni. A second goal, team third goal, 5th goal of the evening leh winning goal a thun. Nelson-a kepper, Andy-a'n multiple saves a neih hnuah James chuan goal-ah a chan tîr tlat mai... a lir lût chang chang a ni. Dan ngaihna awm tawh ngang lo!

Tichuan, Nelson-a team chuan goal thun ve leh tumin an nawr ngial pawhin 3-2 ti danglam thei thil an siam ta lova, 1st leg-ah chuan JLo-a Team te'n Nelson-a Team-te lakah 3-2 in hnehna an chang a ni.

NITE CUP 2012 OPENING NIGHT: Zonu Team an chak laiin Zopa K an tla!!!

Zopa Khuangchera

Nizan, Jan. 29th khan Nite Cup, 2012 ṭan a ni a, Zopa Khuangchera (Zopa K) chuan an first match-ah Naga team, Super Heroes in Training chu 0-1 a hneh lovin knocked out an ni a, Zonu Team erawhin an opponent, Naga team tho, Zombies chu regular time-a 0-0 a draw-in penalty-ah 3-1 in an hneh a, next round an lût.

Zopa K hian defensive error vângin vanduaithlâk takin 1st half-ah goal an concede a, 2nd half lama goal thun ve tuma an han nawr chiam pawhin an equalize zo ta lo a ni. Captain, Mama'n right wing aṭanga a ball khalh luh a shoot a; goal post a pet per pong leh Ruatkima'n Renga corner-kick a head over-te chu an target missed uihawm zual a ni.

Zonu Team

Zonu Team pawhin an opponent an ṭhat ve êm avangin goal thun an harsat a, hun pangaiah Nancy, Lomy leh Mapuii te aṭangin chance nei nual mahse Naga nula ho lakah hian an thun thei mai bîk lo. Penalty-in match hi decide a ni a, Zonu hian penalty an pêt ṭhain, goalkeeper, Apuii'n goal 1 chiah a chhuah a, Zombies hi penalty-ah 3-1 in an hneh a, 2nd Round an lût a ni.

SANGTEA'n a Last Match-ah Hattrick a siam

23rd Jan. zîng khan Nite Cup 2012 preparation atân Zopa leh Kairali chuan friendly match khelin, kan MPGSU former Secretary leh Zopa winger/midfielder, Sangtea'n Gandhigram Rural Instute-a assistant professor hna thawk tura min kalsan hmain, a last match a khel a, hattrick a siam! "All is well that ends well."

Lalrinsanga Hnamte

Zopa hian a tir phat aṭangin game an dominate nghal êm êma, captain Biaka'n a team morale a maintain ṭha hle. Midfielders Leon leh James chuan game an control ṭha hle bawka, rei lo têah goal a lût nghal a. Goal hmasa pahnih Zopa striker, Nundika'n a thun hnuin Sangtea'n goal thum rawn thunin hattrick a siam a ni. Goalkeeper, Andy-a'n goal tûr veng ṭha hle mahse second-half tawp dawnah erawh Kairali hian goal 1 chu an thun ve bawk.

He friendly match-ah hian Zopa hian Kairali hi 5-1 in an sawp a ni.

FOOTBALL NITE CUP 2012 ZOPA TEAM SELECTION RESULTS

19th Jan. dar 10pm khan Shopcom-ah secret-ballot system-a football squad inthlanna neih a ni a. MPGSU Zopate chuan team 2 kan thlang chhuak a, hengte hi inthlan result chu a ni (in alphabetical order):

ZOPA against JNTU at HMA Sports, 2011

ZOPA KHUANGCHERA
Awma, Francis, Joel, Mama, Opa, Ruatfela, Ruatkima leh Sanglura.

ZOPA TAITESENA
Andy, Biaka, Kunga, Leon, James, Muanpuia, Nundika leh William.

Heta hming awm lo zawng hi ZOPA CHHURBURA Team tur an ni ang (Team 1 daih an in form theih chuan). Tin, team management hi mahni team kutah a awm nghal bawk ang - team tactics, player transfers, salaries, coaching etc.

NITE CUP 2012 Team Registration Report

Nimin, 28th Jan. tlai khan MPGSU Sports Secretary, Nundika Hnamte leh Zopa captain, Biaka Vuite chuan Zopa team pahnih leh Zonu team registration an ti.

(L-R) Francis, Biaka, Chrissy, Nundika, Nelson & Leon

Zan lamah tie draw tur leh squad list submit tûrin Zopa captain, Biaka Vuite, match official representative pakhat, Muanpuia Tlau leh Leon-a Students Union Office-ah an zuk kal bawk.

Men's team-ah 7 players + 3 Substitute a awm thei a, squad hi a hmaa inthlan tawh anga kalpui a nih bâkah 10 players tling tûrin Zopa ṭhenkhat lâk belh an ni bawk. Zopa T hi Biaka captain-na hnuaih a awm ang a, Zopa K chu Mama Lalromawia'n a ho thung ang.

(L-R) Awmi Ralte, Dinsangi & Te-i

Tin, Ladies' team-ah 7 players + 4 substitutes a awm thei a, ladies lamah erawh kan beisei anga team 1-a mi 20 chuang a register theih loh avangin, kan representatives-te hian MPGSU Sports Secretary rawn rawnin, last minute-ah ladies' team 1 dang, Zonu Lianchhiari register leh a ni. Dinnie Chongte captain-na hnuaih original Zonu Team a awm ang a, team thar, Zonu Lianchhiari erawh, Nunui Vt in a ho thung ang.

Kan 1st match tûrte:
Zopa K vs. Super Heroes in Training
Zopa T vs. Kairali Strikers
Zonu vs. Zombies
Zonu L vs. Magic Legs

Naktûk, Sunday zân hian Zopa K leh Zonu Team-in khel hman tûra ngaih a ni!
Ka lawm êm êm e.

Re-match between Kawmchhak Vs Kawmthlang

UoH Mizo football history vawiin tlai khan ziah a ni, goal 18 lai mai a lut nia! Game tan a ni a junior lamin senior lam hmatakah an barakhaih a, goal a lut ta tlat mai. Tichuan, senior ho in an game rhyme pangngaiin an han nawr let a, centre piah lawk atangin U Sawmte-an goal post sir kilah a thlawh luh tir a, keeper Chrissie a che hmanlo! Senior lam atangin Sangtea'n a pet lut ngheng a, a zat chiah kan chhinchhiah thei ta biklo. Senior lamah Mazuala fuat a la nei fu, kawh deuh deuh a pet luh a ching. Vawiin zetzawng Nundika pawh field chhung a nungchang a dik ta deuh, zan lam "best of luck" a thatpui a nimahna. Uch-a leh Tlinga ten an tlinzia anla show hemi te pahnih atanga ball ropui beisei i nih chuan i tisual lo ang an placing a dik a, nidanga a "Achhuana..eh nilo zok" tih lam a langlo an thiante ke bulah zuk dah chat chat thei a...Francis-a ball lo khuap a mawi a, banna mahse a tangkai khawp mai.

Lehlamah R_E_N_G_A a lo lut khat khat a ball la hman mahse a tlinlo, williama pa ang maiin a uiliam reng mai a ni. Sangnigga game rawn thuai tum thin ke lamah harsatna a tawk deuh nge mipahnih vel a tlang hnuin ball a per leh thin, mahse matepa hi a khel chhelo a nia. Leon-a pawh vawiin a "hahum" thei ta, a hnung lam atangin ball NLUP sem a an team tan goal sawmlai mai an hlawh chhuak theih phah ta a lawm. Mama pawh ben thak thak tlakin a khel e, phit tak a ni phit tak. Vangsanglura hi mi inzir mi a ni..khel tam zual se field a tla hi a hmuhnawm zual zel si a.

Senior keeper Nelson-a hi ball sang zawng zawng lo dang tha mahse a kekawrin pawi a sawi, a lir a man theilo! A kekawr tur hi ngaihtuahsak mai kan nap e. A tawi zawngin a hma a chak zawk senior ho chuan inkhelh rei takah chuan an tlin talo a... 8-10 in an hneh talo a ni. Kan chau deuh sawihmaih kan ngah tih kan hailo lo chhunzawm ve tawh teh mai u.

CHT remembrance football derby

Kawmthlang Vs Kawmchhak

Today Evening
Old sport shed

Goal score-
Tlingpingch United (Kawmchhak)
Tlinga-1
Biaklala-2


Lehlam
Challengers United(Kawmthlang)

Mama-1
Sangniga-1

Man of the match- Uch-a
Man of the Man- UTlinga

Game highlight

UCH-a cycle (tu ta tih hriatloh) nen hmanhmawh taka field a rawnluh hnu in game tan a ni. Hranghlui comeback an boruak a rawn na nghal khawp mai. Hnung lamah Mazauala leh Francis'an rinawm takin ball lokal zawng zawng an abolished! A laia in rem veteran player Uch-a leh u Tlinga in one two (one-chu) chu a ropui thei khawp mai. UCha zawng Ch hle mahse tlangval senior ke hmang thiam tak ala ni e. Tlingtlingte-a rawn dawk zawk thin te chuan lehlam defence a barakhaih thin khawp mai..a pet ri pawh "barakhaih" a ti! Tlar hmalama achhuana a talna hle a, space a in pe thiam bawk a. Chhuana hi zawng ala chhuanawm e. Sir lam atangin Sangtea'n a rawn nawr bawk, Sangtea hi hospital lam hah mahse a la tlin tawk tih mipuiin an hailo. Ball lo chhuak palh hlauh lo khuap tha in Biaklala leh sawmtean ball mumal an chhuah a, amaherawhchu senior lamah chuan laklawh an ngah ve thei khawp mai. Biaklala chet dan hi sakhaw nei fumfelo tan chuan a biak a biak tham a ni.

Team leh lam hi Leona ho in an rawn in sangphek a, amaherawchu Lion-a pawh a u te bulah chuan zawhte ang mai a ni! Sangniga tlar hmalam a rawn tal taima a rah a chhuah Matepa hi a fuh vawt vawt a nia, anchhungkua a an en ve a tan kan it. Nawr thin mahse senior leh field a tal tam zawk chu boruak an ngamlo deuh. Mama'n sirah a nawr taihmak man a hmu, Mama hi a zinna a hla thin bawk a a tlan fua fua reng mai, chelhdin chi a ni map lo.

Thianga pawh a khel thiang khawp! Zoram lam parcel thar (Bummer chewing gum) eizo chauh a ni bawk a, bummer hi a ni ringawt. Zara keeper leh achangin a rawn tlan chhuak thul mahse an nawrpawp zo talo... Andy a timing a dik em a an tlang thei hlol lo a ni. Nundika ball lak kual dan amak amakin a ranga, mahse sir lam pawn atanga nawr tu hmel an langlo a chhiatphah deuh pawh a nimahna. Vansangluran vei lam a veng tha a, Reubena'n goal keeping ropui tak a lan tir bawk. Sir lam atangin nula senior nilo nula hmasa Zamtei leh Nunuin leh guitar perhtupa benaffleck nilo benjiman.an rawn au that that bawk a, nula dinsangi te pawh a rawn au mathlawnlo e. Official cameraman mahruaia'n kil tin atangin a veh bawk a. Inlo hrelo hlauh ang e mahruaia Camera zoom hi tha deuh a ni, uch-a boxer ha pawh a la tlang vek theih nia! Football ground chu sakawr tlan darh chum chum ang maiin a ri ring a. Tichuan, hun a tawp a... Veteran player zawng fuat anlo nei deuh a ni ang e 3-2 in an hneh ta a ni..whistle a awmloh avangin ring takin.. "A kin ta" tlangval Nelsonan a tih hnuin an tawp ta a.

(Official cameraman mahruaia'n a phal chuan thlalak kanla rawn upload ang)