Saturday, February 26, 2011

Re-match between Kawmchhak Vs Kawmthlang

UoH Mizo football history vawiin tlai khan ziah a ni, goal 18 lai mai a lut nia! Game tan a ni a junior lamin senior lam hmatakah an barakhaih a, goal a lut ta tlat mai. Tichuan, senior ho in an game rhyme pangngaiin an han nawr let a, centre piah lawk atangin U Sawmte-an goal post sir kilah a thlawh luh tir a, keeper Chrissie a che hmanlo! Senior lam atangin Sangtea'n a pet lut ngheng a, a zat chiah kan chhinchhiah thei ta biklo. Senior lamah Mazuala fuat a la nei fu, kawh deuh deuh a pet luh a ching. Vawiin zetzawng Nundika pawh field chhung a nungchang a dik ta deuh, zan lam "best of luck" a thatpui a nimahna. Uch-a leh Tlinga ten an tlinzia anla show hemi te pahnih atanga ball ropui beisei i nih chuan i tisual lo ang an placing a dik a, nidanga a "Achhuana..eh nilo zok" tih lam a langlo an thiante ke bulah zuk dah chat chat thei a...Francis-a ball lo khuap a mawi a, banna mahse a tangkai khawp mai.

Lehlamah R_E_N_G_A a lo lut khat khat a ball la hman mahse a tlinlo, williama pa ang maiin a uiliam reng mai a ni. Sangnigga game rawn thuai tum thin ke lamah harsatna a tawk deuh nge mipahnih vel a tlang hnuin ball a per leh thin, mahse matepa hi a khel chhelo a nia. Leon-a pawh vawiin a "hahum" thei ta, a hnung lam atangin ball NLUP sem a an team tan goal sawmlai mai an hlawh chhuak theih phah ta a lawm. Mama pawh ben thak thak tlakin a khel e, phit tak a ni phit tak. Vangsanglura hi mi inzir mi a ni..khel tam zual se field a tla hi a hmuhnawm zual zel si a.

Senior keeper Nelson-a hi ball sang zawng zawng lo dang tha mahse a kekawrin pawi a sawi, a lir a man theilo! A kekawr tur hi ngaihtuahsak mai kan nap e. A tawi zawngin a hma a chak zawk senior ho chuan inkhelh rei takah chuan an tlin talo a... 8-10 in an hneh talo a ni. Kan chau deuh sawihmaih kan ngah tih kan hailo lo chhunzawm ve tawh teh mai u.

Wednesday, February 23, 2011

CHT remembrance football derby

Kawmthlang Vs Kawmchhak

Today Evening
Old sport shed

Goal score-
Tlingpingch United (Kawmchhak)
Tlinga-1
Biaklala-2


Lehlam
Challengers United(Kawmthlang)


Mama-1
Sangniga-1

Man of the match- Uch-a
Man of the Man- UTlinga

Game highlight

UCH-a cycle (tu ta tih hriatloh) nen hmanhmawh taka field a rawnluh hnu in game tan a ni. Hranghlui comeback an boruak a rawn na nghal khawp mai. Hnung lamah Mazauala leh Francis'an rinawm takin ball lokal zawng zawng an abolished! A laia in rem veteran player Uch-a leh u Tlinga in one two (one-chu) chu a ropui thei khawp mai. UCha zawng Ch hle mahse tlangval senior ke hmang thiam tak ala ni e. Tlingtlingte-a rawn dawk zawk thin te chuan lehlam defence a barakhaih thin khawp mai..a pet ri pawh "barakhaih" a ti! Tlar hmalama achhuana a talna hle a, space a in pe thiam bawk a. Chhuana hi zawng ala chhuanawm e. Sir lam atangin Sangtea'n a rawn nawr bawk, Sangtea hi hospital lam hah mahse a la tlin tawk tih mipuiin an hailo. Ball lo chhuak palh hlauh lo khuap tha in Biaklala leh sawmtean ball mumal an chhuah a, amaherawhchu senior lamah chuan laklawh an ngah ve thei khawp mai. Biaklala chet dan hi sakhaw nei fumfelo tan chuan a biak a biak tham a ni.

Team leh lam hi Leona ho in an rawn in sangphek a, amaherawchu Lion-a pawh a u te bulah chuan zawhte ang mai a ni! Sangniga tlar hmalam a rawn tal taima a rah a chhuah Matepa hi a fuh vawt vawt a nia, anchhungkua a an en ve a tan kan it. Nawr thin mahse senior leh field a tal tam zawk chu boruak an ngamlo deuh. Mama'n sirah a nawr taihmak man a hmu, Mama hi a zinna a hla thin bawk a a tlan fua fua reng mai, chelhdin chi a ni map lo.

Thianga pawh a khel thiang khawp! Zoram lam parcel thar (Bummer chewing gum) eizo chauh a ni bawk a, bummer hi a ni ringawt. Zara keeper leh achangin a rawn tlan chhuak thul mahse an nawrpawp zo talo... Andy a timing a dik em a an tlang thei hlol lo a ni. Nundika ball lak kual dan amak amakin a ranga, mahse sir lam pawn atanga nawr tu hmel an langlo a chhiatphah deuh pawh a nimahna. Vansangluran vei lam a veng tha a, Reubena'n goal keeping ropui tak a lan tir bawk. Sir lam atangin nula senior nilo nula hmasa Zamtei leh Nunuin leh guitar perhtupa benaffleck nilo benjiman.an rawn au that that bawk a, nula dinsangi te pawh a rawn au mathlawnlo e. Official cameraman mahruaia'n kil tin atangin a veh bawk a. Inlo hrelo hlauh ang e mahruaia Camera zoom hi tha deuh a ni, uch-a boxer ha pawh a la tlang vek theih nia! Football ground chu sakawr tlan darh chum chum ang maiin a ri ring a. Tichuan, hun a tawp a... Veteran player zawng fuat anlo nei deuh a ni ang e 3-2 in an hneh ta a ni..whistle a awmloh avangin ring takin.. "A kin ta" tlangval Nelsonan a tih hnuin an tawp ta a.

(Official cameraman mahruaia'n a phal chuan thlalak kanla rawn upload ang)

Friday, January 28, 2011

Zopa vs Uncle Kill me Quick Final review

Dar 10:45 pm a ri a mipui Old Sport Shed Stadium-ah an fuan khawm tup tup a. Vuvuzela a ri vut vut bawk a. Final hmuhnawm chu kan en dawn a ni ta reng mai! Zopa pawh defending champion hmachhawn tur an ni bawk a fimkhur takin game an plan a defensive in first half chu an khel rih a. Leon a slip palh lehlam pawl Anchum chuan rawn tawk fu in kan lamah a lut ta hlauh mai. Kan lamah hian ball hlauhawm a rawn awm ta fua fua mai, mahse Sangte a leh Zara chuan zam mailo in ball an clear zel thin a, Achhuana keeper pawhin ball hmunhimah a chum chhuak lauh lauh bawk. A lai a awm te'n an hna an thawk tha a mahse ball chhuak a mumal meuh theilo!

Second half-ah chuan chawlhlawk hmang tha in Coach Mazuala thusawi a hlawk chho. Leon-a a rawn tawlh hma ta a, hnung lam defender pahnih Sangtea leh Zara pawh inring tawk tur a chah an ni, thusawi a takin an chantir ball a mumal, thatak sawiselboin hnung lam an veng tha. Tlar hnung lama ball awmze nei taka an control te kha inrintawkna neih a ngai chu chu an tlachhamlo tih a chiang. Alai a tla Thianga ball a fing khawp mai a sir ah Sangte a dawn tur tawkin a han pe zawr zawr mahse vanduai nge goalah kan chantir theilo. Leon-an defense wall thiat tumin a laiah te a sirah te ball a han thai vel a, gap a awm leh zeuh thin mahse clear chance a awm theilo. Tumkhat erawh sangtea'n a sir atangin a rawn la phei bar sir ding lam a rawn thlawh fua, mipui an au ring mahse keeper chuan a man thei hman hram a. Renga ball zan dang aiin a fing a, Leona nen an han in one two te chu world class tak hi a ni ringawt. Hmalam tlar a sawi hmaih theiloh chu Mama gap insiam thiam kha a ni, Uncle defense line a chhaihbuai hneh khawp, mahse goalah a chantir theilo.

Phaktawk theihtawpin an nawr, an counter attack a pui a, faktlakin player te an khel fakloh theihloh defense line hi a va khawng tha em, Sangtea leh Zara hian pressure an ngam zia atakin an lan tir. Sangtea Sr zawk a theihtawp bakin a tang tih a chezia ah a hriat hetiang thahnemngaihna hi kan va mamawh tehlul em... sawisel tur sir atangin kanlo zawng a vang ngang si, goal lah chu a lut thei silo, kan zan a nilo deuh a ni ang e. Ball a lai atanga kan vawrh luh nawr tawmtawk thei tur hi kan mamawh em ni? Field a an tih tur chu kan player te hian an ti, kan phaktawk ai bak kan chhuah lehlam an thiam zawk a ni e. Whistle a ri a, kan chak talo, sawisel tur erawh a vang ngang si. Sawi leh lawk duh Leona ball control thatzia leh ball a change thiamzia hi a hmu tan chuan zir tham a ni. Goal keeper Achhuana zawng kan fakna tur zawng zawng commentary box atangin min sawikhalh kan sawi tawhlo mai ang e.

Result- Kan lam atangin
Best Keeper memei
Mipa- Runners Up
Hmeichhia- Winner

We are the champions Zonu

Final match kick off chu Zonu leh kaireli te'n zanin khan an nei a. Kaireli sap pakhat Jessie an tih chu an thatpui hle mahse Zonu meuh zawng an dangzo biklo. Defence line-ah Nanoi leh Mapuiin chhuah an phalo bur, he dan hi lehlam tan zawmloh ngam chi a nilo! A laiah Mapuii Jr a che namailo.. Lawmi'n a hming a pu zo mipui lawm a hlawh a, ball petin awm ze thui tak a nei; tlar hma lama tlan Lani'n Kaireli defence line a han tihthaih thin te chu pui tak a ni. Keeper ropui memei hi a biak a biak hial tlak a ni, Biaklala'n a ti! Hlauhna chhe te mah a neilo chhuah a tum hnailo..campus-ah hian cham a la tum! Chingi tlu tawp tawp te chuan boruak a siam hle a. Chingi hi a lo chang ngei mai na tur viauah pawh a tlan nawl nawl mai, dam reng rawh se.

Second half-ah veteran player Zamtei a rawn thlawk lut a game dang nghal..zamtei hi a zamlo, "zamloliani" a ni zanin hian. Coach Achhuana plan ang ngeiin attacking football an khel ta lehlam keeper thla a phang, "min chhanru" ti hmelawm takin a teammate te a melh ruai a. Ngawiteh! chutia an pet lut mai dawn emaw tih lai chuan hun a lo tawp ta mai a. 5-5 in penalty shootout neih a ngai ta a, thin a phu, boruak a rit..tun hun hi a ni dawn lawm ni.... Coach a zam deuh Meme-i keeper hi kan thlak mai dawn em ni? Hnai love he hun atan hian hun kha leh chen kha a lo inbuatsaih thlak chi a nilo..zanin hi a hun a ni, a zan a ni.. Pressure tamtak karah Meme-i a mengfing a, huaisenna faktlakin a chhuah. Ball erawh a chhuahlo thung. Net puar pawp pawp khawpin kan Zonute'n an pet lut ta zawih zawih bawk a. Mipui sahawk lutuk khap daih rih leh thin te, Sir. Nunui thlalak dal a lo awm kan hau that that hnuin ZONU te kan champion leh ta... Lawm avangin biangah mittui a luang a.. field chhungah kan in pang aw zial tup tup mai. Zonu..Zonu..Zochhungkua.... Kan champion e...

Thursday, January 27, 2011

Zopa Semi Final an thleng Zonu final

Zanin khan match hmuhnawm takmai Zopa (Taitesena) leh nikum a runners up DSP team te'n an khel a, game hi 60-40 velin ball possession ni in hun tiam chinah an in draw a. Penalty shoot out neih a ni a, Sangtea keeper thawhrimna zar kan zo ta a ni. Tichuan, The good the bad and the ugly team te nen semi final hi naktuk zanah kan khel dawn a ni. Lehlamah Uncle Kill me quick nikum a champion leh Keirali Blues an in tum dawn a, a chak zawk zawk pahnih hian final an khel leh dawn a ni.

Game leh lamah Zopa (Khuangchera) chuan vanduaithlak takin CoSac team te an hnehlo a, ball throw in tuma khoihloh chu goal a ham a ni a,a hnu hian match review organizing committee te'n an neih phah nghe nghe. Sport a nih angin chakloh pawh thiamin kan player te an phunnawilo a lawmawm e.

Hmeichia lamah Zonu chuan Missfits nen semi final khelin 2-0 in an hneh a, naktukah hian finalah Keirali ho nen an in tum dawn a ni.

Buzz of the Nite Cup-
Leon the last defender is perfect, you guys should have more like him- DSP player
This year your team is solid you have a fair chance of winning the tournament- Uncle Kill me Quick Player.
Vawt chu ka tilo ka dinna tang hian khurh a awl!-Memei (Keeper)
Field laiah sawn ka lam ang a Rs 10 in chawi ngam em?- Lawmi
Lalhmangaihi kha amah khan tlat tir rawh u, tibuai su- U Zara
Zonu Tutttt- Cpuii Vuvuzela ham thiam thar.
Heti hian ni mai lawm putttt- Pari
Akhaiii.. U Nunu-i- Andy
A adjust dan hi thiam a ngai riau a sin- Mahruaia a lens dum
In rilru in lo tawngtai char char ru- Nanoi
Yellow card ka hmuh avangin fianrial tawngtai a ngai tlat- U Sangte-a
Nancy nau nachama- Nancy
Uiii sawpa saw ka ngei tlat.. khatin au su kan chaklo palh ang e, hetia ka din hian kan chak duh- U Nunu-i
Nite Cup ka ken vek nachhan che u chu ka samkir hi head sual palhin ngil vek ang tih ka hlau- U Zamte-i
Inchhir te beiseina chhan i ni, rethei te lawmna pawh- Mami (R en pahin) zai hlerh2
Zopa..Zonu solfa ka vai ang a lo zai ru aw- Delsona
Mapui tangrawh...pettttttt.. U Di-i hamrik hamchungin
Zopa hu hu..dum dum dum dum..ui ka bengchheng fal ka bul a mi te an in sawn zel..mahse ho e..hehe- Afelicious
Contact lens hi contact ball khelh hian a pawimawh.. Lani
Uiha... hehe a van sil leh dawn.. ka duhloooo- temi-i inkhel en

Wednesday, January 26, 2011

The countdown begins

Zopa Khuangchera will have their first match tonight at 9:30 pm at Old Sport Shed Stadium against The Beckham Brothers.

Roll with the lyrics of Fire Flight "Unbreakable"


God I want to dream again, take me where I've never been
I wanna go there, this time I'm not scared
Now I am unbreakable, it's unmistakable
No one can touch me, nothing can stop me....



All are invited
The result is 3-0


Saturday, January 22, 2011

Zonu training....inside scoop....:)


Kan hma lawk a Night Cup lo awm mai tur ah hian Zonu team te pawh tel leh ngei an tum ruh hle a. Nikum lamah Championship nopui chawi ta lo mahse, thlen chin atanga hma sawn zel tum tlat mi an nih avangin tisa leh thlarau lamah an in tuai thar nasa em em a. Hmel thar duhawm tak tak, tumpui te tana huphurhawm hmel fe fe si hmuh tur an awm ta nual bawk nen, nikum ang lo deuh a Final match pawh in her tir ngei an tum hle a ni.
An inbuatsaihna pawh a trang tha at at hle a, tlai tin deuhthaw Kaptren Meme Gangte kaihhruai na hnuaiah field ah an practice ziah mai a, hmuh theih mai ah pawh hmasawnna a chakin, player thar te pawh an chher hriam chak hle.He blog atana Mass Com.lam atanga kan palai Temi Sailo in an Kaptren kawmna a nei thei hlauh a, kan lawm hle a ni.

Kaptren Meme Gangte- Meme
Kan palai Temi Sailo- TS

TS : Awiha Boihi, Kaptren te ilo ni vel a…hei ngawrh taka in practice na karah inkawm na hun tha tak min pek avangin kan lawm tawpzz…

Meme : Ni e, keipawh ka lawm(a sunglass hmai hlai tak chu a phelh ta kung kung a)…Kaptren hlui Didinte-i’n charge min hlan hnu atang khan he mawhphurhna hi ka la thutak em em a, Zonu team te hi hmasawnna rahbi thar ah a chak thei ang ber a hlan kai ka tum hle.

TS: A va lawmawm dawn ve le aw! A nih leh in training na atan hian Tactic thar te han hman in nei em? Engtia hma lak nge I tum deuh?

Meme- Zawhna tha tak min zawh avangin ka lawm e. Ni e, ‘hmun phiah thar pawh in a hlui ai chuan a phiat fai zawk e’, an lo ti mathlawn lo in, training dan kawng hrang hrang, an lo la hman ngai loh leh ka tactic thul khung te ka apply kual vel a. A hmasa berah cuan han strict em em phawt mai ila ka tia. Players te an inthlahdah chuan phei khai a rual thei lo. Tin, mind game hi ka ngai pawimawh em em bawk a, chuvang chuan game kan khelh hunah a tulna in a nan phawt chuan ka sam pawh ngil pawh hi ka trawn kak mai don a ni.

TS: awiha! Pui dawn riap riap e…in game en a chakawm tawh khawp mai. Chumi lo te enge tactic dang te han sawi duh ila nei em??

Meme: ni e…zawhna pawimawh tak min zawh avangin ka lawm e. Hei kei chu Coach open tak nih ka tum a, players te ngaihdan leh thiam thil fahrah te te an lo neih ve te lakkhawm a chhawr tangkai hi pawimawh ka ti a, chuvangin kan training dawn apiangin Lani kaih hruaina hnuaiah ‘Saavdhan leh visram’ kan ti ziah a, kan hlawkpui tlang hle in ka hria. Chumi bakah a tul dan ang zelin mi han nek sawn deuh nan Mazuala style pukin mawng hman thiam pawimawh zia ka fuih nasa hle bawk.

TS: a that nasat chu…anih leh enge In team line-up te min hrilh mai thei em??

Meme: aaa…hemi chungchang ah hian ka rilru a la insual buai nasa em em a. Veteran Player tha tak tak te an awm lai in Player thar chhawrtlak em em kan seng lut nual bawk nen, ka la rem fel hleithei lo a, kan dream formation tur pawh hi ngun thluk taka la ngaihtuah a ngai dawn a ni.

TS: Anih leh nang pawh nikum lamah Zonu goal rinawm takin ilo veng tawh thin a, tunkum ah field a I che tla vel kan beisei thei angem?

Meme: Mizo upa in “mahni in fak leh sakhi ngal ah engmah a bet lo” an lo ti nachung in, ni e, hei tun kum ah pawh Zonu goal veng tur hian ka tuan a la tha tawkin ka hria a, kei aia experience nei tha zawk an lo awm lem lo bawk nen. Nau te ho ka ring lo tih na ni lovin, Zonu Goal veng tur hian ka la tling tawk a ni!! Nimahsela thahnem ngaih luat ah midfield nen tlan kawp ngei chu ka duh…kan striker te tan a ball remchang tak lo siam hi ka tum ber pakhat a ni!

TS: a pawimawh khawp mai chu chu…anih leh I team te zingah a mimal a han comment duh te I nei em? An skill leh an style chungchang ah te?

MeMe: sawi tur chu a tam khawp mai. Kan Zonu team players te hi chu a mimal a lak hran theuh pawh hian an skill thu hla ah pawh zahpuiawm loh tak tak vek an ni a. Thu an awih em em mai te leh i he lova an han practice thin te hian Kaptren nih te a ti nuam khawp mai. Defence lamah Nanoi ‘the wall’ alo din chuan keeper chu a rim lo turah ngai phawt ila…experience tawh atang pawhin hna ka nei tlem thei khawp mai. Tin, defender-in-training Terini te poh a kaihruai hneh hle ka ti lo theilo.

Forward lamah Lomy leh kan Player thar tha tak Nancy te lehlam pawl defence ho karah kut a sangha man tum ang mai a dan zawh rualloh a an put phei zeuh zeuh tur te hi en a chakawm toh em em a.

Tin, midfield ho pawh hi ka kaih hruaina hnuai ah an bon dawn rem rem hle tih ka sawi lawk sak ngam a ni. IMA Mapuii te, Lani te, Dini te, Rindiki te Te-i thlengin…an position theuh ah an duai lo em em vek...a bik takin Dini hian a footwork hi a improve chhoh zel chuan striker ah pawh ka hung thut mai thei bawk a ni. A play a dik ka ti tlat.

TS: in inpuahchah na a namai lo bawk a, in tumpui lam te nih ava chakawm dawn lo el awl ve le aw thiannu!

Meme: ni e, kan hmel en a kan nu hnaap ringawt ang hian kan che dawn lo reng reng a, kung-fu thiam kan awm nual bawk nen…kan tal na hnu chu thawnga leivir nuai hrep hnu ang rum a ni dawn!(rum takin) Team dang te hian min lo ba sa ngam ringawt lo se a tha ang!!!

TS: nikum khan final ah thlang sap pui lanu ho kha in hneh ta lo kha a ni a…tunah hei team an nei ve leh ta si a…engtia han hneh nge in tum deuh??


Meme: a pawimawh khawp mai kha kha…hei kan skill leh fitness kan upgrade nasa em em a, kan zam reng reng lo…pumrua ah an lian zawk mai thei..nimahsela tleirawl te Davida pawh khan mi lian Goliatha kha a vawm thlu thei tlat a ni…chuvangin an pumraw lian leh an bawp sei ringawt hian kan ne pawh a ek dawn lo hrim hrim! Skill a ni zawk…Cuvang chu ania a mimal tak pawh in Messi hi ka ngaihsan em em ni…size does not matter ka ti mai!!..dam reng rawh se!!

TS: a taka field chhunga in leu tur vel hmuh a chakawm tawh takzet a ni.

Meme- ni e…football field ah hi chuan e, tui chhunga sangha ang hlauh kan ni mai…

TS: Kaptren meme-i, hun chep tak karah nangmah kawmna hun min pek avangin I chungah kan lawm tak zet a, in champion ngei theih nan duhsakna sang ber kan hlan mawlh mawlh a che u.

Meme: ni e, keipawh ka lawm khawp mai..kan inkhel in lo en ngei ngei dawn nia!...jai Zonu! jai jai!!

ZONU training camp tan a ni, boruak a lum!







UCH TLINGA AND VALTE (UTV) memorial Derby Match Zopa (K) Vs Zopa (T) Result

Zopa (K) 4 - 4 Zopa (T)

Nisen sa hnuaiah game tan a ni a boruak atang angin game boruak pawh atang nghal at mai. Zopa (K) hian an manager thar Dr. Lalhruaitluanga ho in jersey dum an rawn ha a, an manger hian thlalakna a rawn hum lem lo! Zopa (T) in a pawteng an ha in an manager Dr. C. Lalrozamin a rawn ho bawk. Zopa (T)lam hian an rin angin an nuai mai theilo a. Nundika thru' Mazuala'n a han um Zara leh Sangte'n buai tak a an clear te chu hmuhnawm dangdai tak a ni. Han hriat theih chinah player la naupang Leon-a ballin awmzia a nei a, awmze nei tak a alai atanga a nawr thut thinna chuan rah tha a chhuah a, keeper thiam tak nimahse Andy meuh pawn a dang zo thei talo.

Mama leh Sangte tlar hma combi duh angin a lo fuhlo a, mahse khelh rei chuan tha thuai tur a beisei a ni,an ball um taihmakna erawh fak an phu. Player beiseina kan neih san Thianga a rawn in form chho leh mek a, a ball um taima hi a teamte hian anla chhawr tangkai zel dawn ni in a lang. Vansanglura leh Rubena te ball petin awmzia a nei chho hle confidence level-ah tamtakin hma an sawn tih a hmuh theih. Defender khawng tha Samua dawk zawk thin te, Biaklala counter attack te kha hmuh hmaih chi a nilo, he nau second half rawn chet bawnzia kha. Francis-a theihtawp chhuah zar a teamte'n an zo nasa hle, fit leh zual se a van tangkai zual dawn em. Zara leh Sangtea chu ding dun thang an ni bawk a, a tha leh hle mai amaherawhchu a pit leh zuk thin char kimlohlai en a tul. Nelson-a keeper kha sawi hmaih chi a nilo thiam ve tak a ni.Renga sawi tawh ang khan pitch a hrechiang game tak takah boruak sang se a tha leh zual ang. Fans te audan a mawi, game tihlawhtlingtu chu a entu mipuite an ni. Lung chunga thahnemngai taka entu te kha a chak zawk te chu an ni.

Side Referee Tv Chrissie an "in duham e mai" a tih lawm lawm hnu-ah game hi tih tawp a ni a, a tlangpuiin Zopa (T) ball a mumal a, Zopa (K) in fighting spirit an ngah deuh zawk bawkin a hriat. Best Player atan Nelson (Keeper) thlan a ni. Enge kan an zel dawn le?

Thursday, January 20, 2011

UCH TLINGA AND VALTE (UTV) memorial Derby Match Zopa (K) Vs Zopa (T)

In remembrance of our beloved veteran players who are at Aizawl with a happy retired life UCh-a the iron defender, Tlinga the keeper and Valte the play maker. Zopa Soccer Inc for the first time in history of UoH will organize Derby Match for Zopa (K) and Zopa (T)> The loser will have to treat the winner a dinner. The first goal of this match is dedicated to Robert (JNU) the most brilliant player Zopa had so far.

Stadium: Old Sport Shed
Time:Saturday dar 2:30pm
Khuallian : Nl. Babie
Khualte : Nl.Chingi
Khual satliah: Nl Pari
Entry: Free

Note: Khuallian/te/satliah tih hi Cook tihna nen a in ang.. dinner ei hun a min siamsak tu tur te tihna.

Dream Formation


Wednesday, January 19, 2011

New Squad for Zonu will be announce very soon


Hyderabad: Zonu spoke person Nanoi while addressing the media this afternoon said that Zonu will be at their best this year again, with adding up of some promising players the team are expected to do some magic on the pitch. The transfer of Didintei to Aizawl wouldn't defect any confidence that they had added Nanoi. She also said that the selection committee is careful in selecting the squad member because this year number of talented players increase. Base on their performance Zonu squad will be selected and will announce very soon. Mean while our correspondent attempt to connect with Board of directors UDii and U Maps failed. The confirm sources said that they are busy at Shilparamam and will get back to the game when they are done with the shopping.

Soccer analyst are of the opinion that Zonu squad will be unbeatable this year.

Zopa Squad

After a careful observation and pressure from the fans the following are selected by board of Zopa soccer Inc to be the squad of Zopa for the upcoming Nite Cup. The team member are hereby inform to join the practicing camp at Old Sport-shed immediately failing which they can be terminated from their squad membership.

Zopa (K) Khuangchera

Manager: Dr. Lalhruaitluanga
Asst. Coach: Dr. Puite-a
Physical fitness director: Dr Nunu-i

Andy (keeper): He keeper huaisen tak hian a dan tur a hrechiang a, kumin nite cup a nulate mit fukna tur ber nimahse pawn lam ai chuan field chhung a rilru a pe dawn.

Samua(Defence): Coach te mit fukna ber chu a fuke thatak mai leh tha hrui a ngah em em hi a ni. Thu a awih thei a, field chhung a zaidam tak theihtawp a bei mi a ni. dan theihloh a neilo a, Khuangchera squad innghahna tur ber pakhat a ni.

Ruben (Defence): He player la naupang tak hi a taihmakna leh thahnemngaihna squad hian a chhawr dawn ni in a lang. A ball pet a nihna tur dik takah a kal a, inghahfakna tham khawp a thiam a ni.

Biaklala (Defence):Bang ang mai a tlang hleih theihlohna hi team dang striker te beidawnna a ni fo! Ball reng reng hmun hima dah a, thiante tan a muanawmna thlen hi a hna ber a ni.

Nundika (Midfield) A ball in amah a hria a, ball a hre bawk. A duh duhna a ball a kal tir thei hi beisena ti sang tu a ni. Fitness 100% a nih vaih chuan ropuina rama min hlangkai thei tu tur pakhat a ni. LH nula ho lo men pui vaklo tur a fuihtu awm se kan ti hle.

Vansanglura (Midfield):
A kechheh a dangdai avangin a tactic a sang, ball a umzui peih piah lamah thahnemngaihna a fakawm.

Francis (Midfield): Fiamthu mai a nilo tih hrechiangtu Francis-a hian game a thunun thei hle a, science hmanga tehin a petdan tur hi microscope meuhin a tehkual thin. Thahrui a ngah em em a, a bootin a thlek dan tur a hrechiang bawk.

Mazuala (Forward):
Inhliam neuh neuh avanga hunreitak a chawlhnuin a rawn let leh ta! Taksa liantak nei ni in a hma a mi a bum hnem a vang a "Jacob" ti hial a hming lem an vuah thin a ni a. A ke thir la vuah avangin ngam huai viau dawnin a hriat.

Zopa (T) Taitesena

Manager: Dr. C. Lalrozami
Asst. Coach: Dr. Freddy
Physical fitness director: Dr Nunu-i

Achhuana (Keeper): Veteran Keeper hi a fit hman chuan che bawnra tur a beisei lawk a ni a. Chawlh a la rei deuh a, tunah chuan trainingna ah squad a rawn zawm leh thei ta. A ball man a nghet a, a huaisen bawk.

Sangtea (Defence): John Terry ang mai a pa huaisen leh taima hian hnung a dawl leh dawn. Shopcom a fans te nimin khan an lawmzia an sawichhuak. Pressure tamna pawh a zam ngailoh hi he player hlutna pakhat a ni.

Zara (Defence): Sir Alex pawn an club tan a rim a lo rilruk thin. Christmas vocation a hman avanga Zoram lam a hun han hmang vang vang chuan field-ah squad a rawn zawm leh ta a. A weight again deuh a, mahse physical fitness director Dr. Nunu-i hnuaihah special diet neiin a in enkawl mek. Tlarhnung lamah chuan "Lalmuanawma" an tih mai thin a ni a, a fit thuai turah ngai ang. Laklawh nei ngai lo vei lam dinglam a hmunhim a ball dah thei a ni.

Leona(Midfield): Squad-ah chuan a naupang pawl a ni awm e, club manager te pawn vawikhat Nite Cup a khel tur hi an hmuchak tawh hle a. He nau hian field-ah a ke hian thluak a nei hran emaw tih tur a awmze neiin ball a chhaih thei a. 100% a fit vaih chuan play maker tur a beisei a ni.

Renga (Midfield):Chuai ngailo he mihring hian pitch a hrechiang a, game a khelh senior tawh avangin boruaksang pawh a teamte thunun thei tur a beisei a ni. A thiamna piahlamah theihtawp a a beihna hram hram hi mite fak a hlawh thin na a ni.

Thianga (Midfield): Field sir lam a bik taka a au tur an awm tawhlo hi kan chhiatphah ang tih a hlauhawm. Fitness 80% vel la nimahse he player hi field-ah a rawn tangkai chho hle a. Best player te hial a nih tawh avangin beiseina fans te'n an nei tam hle. Field lai a chetla tur a nih dawn avangin Physical fitness Dr Nunui hmuh vat a tum bawk.

Sangtea (Forward: Thli ang maiin lehlam goal bulah a tleh phei thei a, a ball pet a kawh tha a dangtu tan chuan huphurhawm thei tak a ni. A heading a tha a ground ball pawh namailo tak a ni, goal khungtu tur a field a lut tur a nih avangin team chakna amahah a innghat nasa hle.

Mama (Forward): Fuat a ngah a physical fitness ah hi chuan a ngaihtuahawm hranlo. Field a len zawh pauh leh a thiamna a zau ve zel tihna a nimai. Mama hian thru" ball um chak tur a beisei a ni a, second half velah phei chuan chak tha leh zual tur zel a beisei a ni.