Friday, April 6, 2012

MPGSU Zopa & Zonu Football Team Achievements Page

Hei hi Zopa leh Zonu football team-te'n MPGSU hminga trophy an lo lâk tawh record-na a ni.
(Runners' Up nihna pawh tarlan tel a ni).

ZOPA:
Night Cup 2012 Champions
Lalrindika Memorial Football Trophy 2012 Runners' Up
HMA Sports 2011 Champions
Night Cup 2011 Runners'Up

ZONU:
Night Cup 2012 Runners' Up
HMA Sports 2011 Runners' Up
Lalrindika Memorial Football Trophy 2012 Champions
Night Cup 2011 Champions
Lalrindika Memorial Football Trophy 2011 Champions
HMA Sports 2010 Champions
Night Cup 2010 Runners' Up

ZOPA 'T' Night Cup 2012 Champions

University of Hyderabad Football Night Cup 2012, January-a neihah, MPGSU team, ZOPA Taitesena chu final-ah Under Construction laka 6-0 a chakin champion an ni. Tin, Zopa winger, Kunga chu Best Player a thlan niin, goalkeeper, Andy pawh Best Goalkeeper-a thlan a ni bawk.
Zopa Taitesena, 2012




ZOPA Taitesena team squad chu hetiang hi a ni: Goalkeeper: Andy Varte; Defenders: Biaka Vuite (captain), Chrissy, Muanpuia; Midfielders: James Tunglut, Leon Dailiam, William Haokip; Forwards: Kunga Chongloi, Nelson Hlychho, Nundika Hnamte.

Night Cup 2012 Champions: Zopa T

Zopa Taitesena hian final-ah Under Construction team hnehin an champion a ni. Attacking game a ṭhain, an match hmasa bera Kairali Strikers 1-0 a an hneh tih loh chu match tinah final thlengin goal 5 chuang an thun ziah a ni. Attacking midfielder, James chu top scorer niin tournament chhûng hian goal 8 lai a thun a ni. Champion tûr hian, Under Construction leh Kairali Strikers bâkah, DSP leh D'Cossack te an hneh bawk a ni. Tin, defence lam an che ṭha bawk; goal concede hauh lovin a tawp thleng si an veng a ni.

Champion Celebration
Night Cup football-a champion thei team a nei hi MPGSU chuan a chhuang êm êm a, tin, University-a Mizote hming tiṭhatu ni zêl tûrin ZOPA team-te a duhsakna sâng ber a hlanin a fuih a ni.

Thursday, April 5, 2012

MPGSU FAREWELL MATCH CUM. PHILIPA BUAL TUR ZAWK ZAWNNA FROOTY FOOTBALL FRIENDLY MATCH, 2012: Match Report

Philip Bauh, chak lo team bual fai tur
Nelson-a Team te leh JLo-a Team te chuan vawiin tlai dar 4:30 khân University of Hyderabad football field-ah kum danga Zopate'n an lo tih ṭhin angin farewell match an khel a, Outgoing leh Junior FANS lam pawh an rawn thawk chhuak ṭha thawkhat hle a, ui bual tur, Philipa pawhin a rawn chhim ve bawk. Match hi 'each half' 30 mins khelh a ni.Tin, MPGSU ṭhenawm, Dennis-a leh Muana pawh inkhel tûrin an rawn kal ve thei a, min ti phuisui hle a ni.

Nelson-a Team hi Outgoing Students leh Senior Students inthlan pawlh an ni a, JLo-a Team erawh Junior ho an ni thung. Captain-te hming chawia team hming hi phuah a ni awm e. He match-ah hian Zopa defender, Ruben-a, nikum 'MPGSU Day Out at Osman Sagar'-a vanduaithlâk taka accident, Night Cup 2012 pawh khel thei lo hial chu a defending boots nen field a rawn rap leh ta.

Kickoff & 1st Goal: Dar 5:00 velah match ṭan a ni a, Nelson-a team te'n an kickoff. FANS te chu rawn au êm êm lo mahse boruak a hot tih chu hai rual a ni lo (summer ni miau hek...) Hun rei a rial hmain Nelson-a Team in goal hmahruai an thun! JLo-a Team goalkeeper, Muanpuia ball rawn vawm chhuah chu duh aiin a tawi chu niin, Nundika'n box pawnah lo dawngin top left-ah goal ban si feihin a pet lût! Senior-te an phur ta sarh sarh khawp mai. Captain Nelson-a pawh lungawi takin Francis-a a in subbed tir nghal a.

Equalizer: JLo-a Team-te'n tih goal ve ngei tumin an bei lêt a. Nelson-a defender, Rubena te, Biaka te leh Francis-a te chuan goal tîr loh tumin an dang chat hmiah hmiah ve thung a. Mahse chutia innawr innawr tâkah chuan Joel-a'n right wing lama ball a tlân luh pui chu a laia free taka lo châng, James-a chuan Zopa 1st keeper, Andy-a meuh saved theih loh tûrin a pêt goal ve a. Score now is 1-1. Innawr innawr hi chuan a tawpa tawpah kan tlu leh nge nge zel chu a nih dawn hi maw!!!

2-1 a ni ta: First half tawp dawnah goal a lût leh ta tlat mai. Nelson-a defender ṭha, Biaka'n attack lam a rawn pui chu lehlam counter attack nan hun ṭha tak a ni! William-a'n ball a win a, Kunga pass-in ani'n wing-ah bawk ball a la a, Joel-a chu pass-in JLo-a Team 2nd goal leh leading goal Joel-a'n a thun ta a ni.

Half Time: Referee, Râl Nelsona an tih mai ṭhin, Imna chuan a whistle hâmin match a'n titawp a. Half-time ah tui inin an han hahchawl a, Muanpuia te, Sanglura te, Dennis-a te phei chu hahdam bîk tak an ni!

Second Half: Nelson-a Team te'n si khat an phur tih inhriain goal thun ve leh an tum hle mai. Chutih rualin JLo-a defence line a solid hle. Rfa, Ruatkima leh JLo-a'n Nelson-a attacker-te chu an mark taima hle a, hei hian rah ṭha pawh a tawp thlengin a chhuah a tih theih ang.

Another Equalizer: Equalizer anih chuan Nelson-a Team lam thun a ni tih a chiang ta reng mai. Leon-a'n midfield aṭangin ball a rawn pe kang a, Nundika'n ground-ah ball a control a, captain Nelson-a lawmna tûrah a chantîr leh ta! Second Half-a start, Captain pawh chu phur fain field aṭangin a in subbed out leha, a zuangin a zuang chhuak a ni ber mai, chuan Bza chu a baseball cap nên a rawn lût thung a ni. Lehlam goalkeeper Muanpuia pawh a position dik tak defence-ah a rawn chhuak a, captain JLo-a a keeper ta thung!

Winning goal: Tute takin winning goal thun ang maw!!! Tunge thun? James-a bawk a ni. A second goal, team third goal, 5th goal of the evening leh winning goal a thun. Nelson-a kepper, Andy-a'n multiple saves a neih hnuah James chuan goal-ah a chan tîr tlat mai... a lir lût chang chang a ni. Dan ngaihna awm tawh ngang lo!

Tichuan, Nelson-a team chuan goal thun ve leh tumin an nawr ngial pawhin 3-2 ti danglam thei thil an siam ta lova, 1st leg-ah chuan JLo-a Team te'n Nelson-a Team-te lakah 3-2 in hnehna an chang a ni.

Sunday, January 29, 2012

NITE CUP 2012 OPENING NIGHT: Zonu Team an chak laiin Zopa K an tla!!!

Zopa Khuangchera
Nizan, Jan. 29th khan Nite Cup, 2012 ṭan a ni a, Zopa Khuangchera (Zopa K) chuan an first match-ah Naga team, Super Heroes in Training chu 0-1 a hneh lovin knocked out an ni a, Zonu Team erawhin an opponent, Naga team tho, Zombies chu regular time-a 0-0 a draw-in penalty-ah 3-1 in an hneh a, next round an lût.

Zopa K hian defensive error vângin vanduaithlâk takin 1st half-ah goal an concede a, 2nd half lama goal thun ve tuma an han nawr chiam pawhin an equalize zo ta lo a ni. Captain, Mama'n right wing aṭanga a ball khalh luh a shoot a; goal post a pet per pong leh Ruatkima'n Renga corner-kick a head over-te chu an target missed uihawm zual a ni.

Zonu Team
Zonu Team pawhin an opponent an ṭhat ve êm avangin goal thun an harsat a, hun pangaiah Nancy, Lomy leh Mapuii te aṭangin chance nei nual mahse Naga nula ho lakah hian an thun thei mai bîk lo. Penalty-in match hi decide a ni a, Zonu hian penalty an pêt ṭhain, goalkeeper, Apuii'n goal 1 chiah a chhuah a, Zombies hi penalty-ah 3-1 in an hneh a, 2nd Round an lût a ni.

Saturday, January 28, 2012

SANGTEA'n a Last Match-ah Hattrick a siam

23rd Jan. zîng khan Nite Cup 2012 preparation atân Zopa leh Kairali chuan friendly match khelin, kan MPGSU former Secretary leh Zopa winger/midfielder, Sangtea'n Gandhigram Rural Instute-a assistant professor hna thawk tura min kalsan hmain, a last match a khel a, hattrick a siam! "All is well that ends well."

Lalrinsanga Hnamte
Zopa hian a tir phat aṭangin game an dominate nghal êm êma, captain Biaka'n a team morale a maintain ṭha hle. Midfielders Leon leh James chuan game an control ṭha hle bawka, rei lo têah goal a lût nghal a. Goal hmasa pahnih Zopa striker, Nundika'n a thun hnuin Sangtea'n goal thum rawn thunin hattrick a siam a ni. Goalkeeper, Andy-a'n goal tûr veng ṭha hle mahse second-half tawp dawnah erawh Kairali hian goal 1 chu an thun ve bawk.

He friendly match-ah hian Zopa hian Kairali hi 5-1 in an sawp a ni.

FOOTBALL NITE CUP 2012 ZOPA TEAM SELECTION RESULTS

19th Jan. dar 10pm khan Shopcom-ah secret-ballot system-a football squad inthlanna neih a ni a. MPGSU Zopate chuan team 2 kan thlang chhuak a, hengte hi inthlan result chu a ni (in alphabetical order):

ZOPA against JNTU at HMA Sports, 2011
ZOPA KHUANGCHERA
Awma, Francis, Joel, Mama, Opa, Ruatfela, Ruatkima leh Sanglura.

ZOPA TAITESENA
Andy, Biaka, Kunga, Leon, James, Muanpuia, Nundika leh William.

Heta hming awm lo zawng hi ZOPA CHHURBURA Team tur an ni ang (Team 1 daih an in form theih chuan). Tin, team management hi mahni team kutah a awm nghal bawk ang - team tactics, player transfers, salaries, coaching etc.

NITE CUP 2012 Team Registration Report

Nimin, 28th Jan. tlai khan MPGSU Sports Secretary, Nundika Hnamte leh Zopa captain, Biaka Vuite chuan Zopa team pahnih leh Zonu team registration an ti.

(L-R) Francis, Biaka, Chrissy, Nundika, Nelson & Leon
Zan lamah tie draw tur leh squad list submit tûrin Zopa captain, Biaka Vuite, match official representative pakhat, Muanpuia Tlau leh Leon-a Students Union Office-ah an zuk kal bawk.

Men's team-ah 7 players + 3 Substitute a awm thei a, squad hi a hmaa inthlan tawh anga kalpui a nih bâkah 10 players tling tûrin Zopa ṭhenkhat lâk belh an ni bawk. Zopa T hi Biaka captain-na hnuaih a awm ang a, Zopa K chu Mama Lalromawia'n a ho thung ang.

(L-R) Awmi Ralte, Dinsangi & Te-i
Tin, Ladies' team-ah 7 players + 4 substitutes a awm thei a, ladies lamah erawh kan beisei anga team 1-a mi 20 chuang a register theih loh avangin, kan representatives-te hian MPGSU Sports Secretary rawn rawnin, last minute-ah ladies' team 1 dang, Zonu Lianchhiari register leh a ni. Dinnie Chongte captain-na hnuaih original Zonu Team a awm ang a, team thar, Zonu Lianchhiari erawh, Nunui Vt in a ho thung ang.

Kan 1st match tûrte:
Zopa K vs. Super Heroes in Training
Zopa T vs. Kairali Strikers
Zonu vs. Zombies
Zonu L vs. Magic Legs

Naktûk, Sunday zân hian Zopa K leh Zonu Team-in khel hman tûra ngaih a ni!
Ka lawm êm êm e.